පාලු දැනෙන හැන්දෑවක

                        

දවසට එළිය දී උදයේ සිට දැවුණු හිරු දෙවියන් ට දැන් තද වෙහෙසකි දරුණු දාහය නිවාගන්න ට සිරුර ට දැනුණු ඈතින් පෙනෙයි සිහිලැල් මුහුද ට බසිනු    හමනා සුළං රැල්ලේ පැටලී දුරෙක සිට එන සීතලය තව ඉවසිය නො හැක සූරිය පෙම්වතාගෙන් වෙන් වන විටෙක මිහි ලිය නගන සුසුම යි මේ, නොමැ‘ත සැක    කිරි සුදු පෙණ ඇතිරි පැමිණී වෙරළ වෙත ළ සොවින් තැවෙන මිහි ලිය ගේ වෙරළ වත තෙමමින් විටින් විට නැගෙනා කඳුළු තෙත පිස දා දමන්න ට දරනා නො නිමි තැත    මිහි ලිය සිත නැගෙන දුක් විරහවෙ අඳුර මුළු ලොව වසා ගිල ගන්නට එයි පැතිර පිය‘ඹන් විරහවෙන් දුක්බර වෙන්ට පෙර සියොතු ද කැදැල්ලට පියඹති තිබෙන දුර    සූරිය තෙමේ මහ මුහුදෙ හි ගිලෙන සඳ මිහි ලිය වෙත ට එයි, ඇය ගේ සොයුරි, සඳ කිරණ'ත් යවා තුරුළ ට ගෙන ඇය ගෙ බඳ සනසන අයුරු කදිම යි! නරඹනු සබඳ    සඳ වට පොකුරු ගැසෙමින් තරු කැළ එ සඳ නෙත් එළි යොමයි, මිහි ලිය යෙහෙළිය වැළඳ හිරු දෙවි උදේ පැමිණෙන තුරු රෑ නො නිද කුරුමිණි හඬින් නැළැවිළි ගී කියනව ද?